أنا عايز تقول ايه وشاور بعصايته مين دى يامحمود وبتعمل هنا ايه انطق انا مش متحمل
محمود……
راح جاب رانيا ، ووقف وراها وكان ساند كتفها ، دى تبقى منار بنت عمتى ثريا ، ومراتى وأم ابنى او بنتى ان شاءالله
عمتى ثريا اللى انتوا قتلتوها زمان هى وجوزها علشان اتجوزت اللى حبته ، بس اخدت اللى حبته بس ازى ثريا بنت عيلة المراكبى تتجوز حته صياد سريح قوت يومه بيومه
الكل كان مصدوم ، وبيبصوا لبعض ، ايه بنت ثريا
الحاج أبو النور…….
احنا مش ظلمناها هى اللى خرجت عن العادات والتقاليد وحطت راسنا بالأرض، هربت مع حته عيل وخلت سمعتنا بالوحل
سكت محمود شوية، وبعدين قال بهدوء حاسم:
السمعة يا عمي…
مش أهم من اختك .
ولا أهم من روح بني آدم.
البيت كله دخل في صمت تقيل،
صمت مليان أسئلة، وندم،
بقلم ميادةيوسف الذغندى
مسك محمود إيد منار بإحكام، وصوته كان ثابت لكن فيه نار:
والنهارده… ميزان العدالة لازم يتظبط.
وكل واحد فيكم ياخد حقه ، ويدفع اللى عليه……
الحاج أبو النور ضحك ضحكة قصيرة مليانة مرارة:
عدالة إيه يا محمود؟!
يعني إنتم متجوزين من زمان؟!
مش دي السكرتيرة بتاعتك ولا إيه؟!
ولا إنت جاي تعمل علينا فيلم؟!
قرب منه خطوة، وبص لمنار من فوق لتحت بنظرة شك واتهام: