عينه على البحر،
والدموع نازلة لوحدها من غير صوت،
كأنها حفظت الطريق.
قامت وقفت وراه، قريبة بس ما لمستوش.
قالت بهدوء:
– لأ…
وده اللي ناقصني.
ضحك ضحكة مكسورة وقال:
– أنا تعبت.
بعد كام شهر من الجواز حصل حمل…
حمل خارج الرحم.
شد نفس طويل وكمل:
– الأنبوبة انفجرت بالحمل،
واللي جاي بعده كان وجع على وجع.
دكاترة،
مستشفيات،
تحاليل،
علاج…
بقالنا سبع سنين بنجري ورا أمل.
سكت شوية، وبعدين صوته تقيل:
– وفي وسط ده كله…
عمي حصل لينا تعجيز جامد في حركة صيد.
تعجيز كان ممكن يضيّع كل حاجة،
المراكب،
الابراج
الاسم.
لف نص لفة وبص لها:
– أبويا من الخضة جاله جلطة.
وكنت شايف الدنيا بتقع قدامي واحدة واحدة.
رجع بص للبحر وقال:
– علشان عمي ينقذ الموقف،
طلب مني وعد…
وهو عارف إني قد كلمتي.
صوته واطي قوي:
– قالي:
“ما تتجوزش على بنتي علشان تخلف.”
ضحك بمرارة وكمل:
– وأنا…
وعدته.
حط إيده على رقبته وقال:
– حطيت حبل حوالين رقبتي بإيدي.
مش علشان مش عايز،
علشان ما كانش مسموح لي أختار.
فضل واقف قصاد البحر،
وهي وراه،
والغرفة كلها كانت شاهدة
على راجل
اتعلّق بين وعد
وقلب
وحياة ما اختارهاش.
فضل يحكي…
يحكي كتير،
وهي ساكتة، بتسمع،
مش بتقاطعه ولا بتحاسبه،
سيباه يطلع اللي عمره ما قاله لحد.