الحرب بدأت من غير ما حد يطلب. وإنتي دلوقتي جزء منها، غصب عن الكل.
(رانيا تنهار في البكاء بصمت، ومحمود يفضل واقف جامد، لكن عينه فيها قلق وخوف من اليوم اللي نورا تفوق فيه… اليوم اللي هيقلب كل الموازين.)
بقلم ميادةيوسف الذغندى
(في شقة أم حسام… الاتنين قاعدين في صدمة وغضب مكبوت)
حسام (بغيظ):
يعني البيه متجوز واحنا آخر من يعلم، ومراته حامل، وكمان جايب واحدة بيقول بنت عمتي وهتورث؟!
أم حسام (وشها مصفّر):
دي آخر حاجة كنت أتوقعها… يتجوز من ورايا وما يقوليش كلمة! كأنه بيقولنا على جنب.
حسام (يقرب منها وصوته واطي):
اسمعي يا ماما… الموضوع ده لو كمل، إحنا اللي هنطلع بره اللعبة. لازم نتحرك قبل ما يثبت رجليه.
أم حسام (بعينين مليانة حقد):
تتحرك إزاي؟ ما إحنا مش هنسكت. لا على الجواز، ولا على الحكاية اللي اسمها بنت عمتي دي.
حسام:
نقلب الدنيا. نفتح ملفات، نسأل وراها، ونخلي الشك يلف حوالينهم. الناس لما تشك، الكلام يكبر لوحده.
أم حسام (بخبث):
أيوه… نخلي البيت كله يولّع شك. هو مش هيستحمل الفضيحة ولا القيل والقال.
حسام (بابتسامة قاسية):
ساعتها لا حمله هيفرحه، ولا ميراثه هيتهنّى بيه. نخلي كل حاجة على المحك.
أم حسام (تحكم قبضتها):