بقلم ميادةيوسف الذغندى
رانيا (بقلق، وصوت واطي):
“طب والعيلة؟
وأرض مزارع السمك؟
والصيادين؟
والمشاكل اللي مالهاش آخر دي كلها…
هنعمل فيها إيه؟”
ابتسم محمود، وقام بهدوء، راح قعد على الكنبة، وسحبها ناحيته وقعدها على حجره، حضنها كأنه بيحاول يحميها من الدنيا كلها:
محمود (بثقة وحنان):
“أنا موجود…
وهحل كل حاجة.”
قرب راسها من صدره، وحط إيده على شعرها:
“أهم حاجة دلوقتي…
إنك تاخدي بالك من نفسك…
ومن صحتك…
ومن البيبي.”
ابتسم لها ابتسامة مطمِّنة:
“وسيبي كل حاجة عليا…
العيلة…
والأرض…
والصيادين…
وكل وجع قديم…
أنا هواجهه لوحدي.”
رانيا بصت له، وفي عيونها خوف وراحة في نفس الوقت:
رانيا:
“خايفة…
بس وأنا في حضنك حاسة إني أقوى.”
شد عليها في حضنه:
محمود:
“طول ما إنتي في حضني…
مفيش حاجة هتكسرك.”
حطت إيدها على بطنها تاني، وهمست:
رانيا:
“علشان خاطره…
خليه ييجي على دنيا أهدى من اللي عشناها.”
محمود باس راسها بخفة:
محمود:
“هييجي…
وأنا أوعدك…
هعمله دنيا تليق بيه…
وبأمه.”
وكان المشهد كله هدوء قبل العاصفة…
هدوء يسبق قرارات كبيرة…
ومواجهات أخطر…
في العيلة…
وفي أرض مزارع السمك…
ومع الصيادين اللي مستنيين كلمة.
تاني يوم…
في غرفة النساء والولادة بإحدى المستشفيات الكبيرة في إسكندرية…