وجع الكلام كان أكبر من إنها تفتح عينيها،
بس جواها لأول مرة…
حست إن الحق بيقرب يرجع،
حتى لو بعد تمن غالي قوي…
بس رن فى ودنها حقك لازم يرجع لك
♡♡♡♡♡♡ باك بعد ٣ سنين
كان لسه قاعد فى الدريسنج ولافف فوطه بس على وسطه قام لبس هدومه بسرعه
نورا ……
ايه يامحمود رايح فين دلوقتى مش قولت هتنام
بص لها قولت اسيبك ليكى البيت كله ، ترتاحي فيه اصل يحصل حاجه ابقى انا السبب
يعنى مش هتبقى معى وانابعمل التحليل
بص لها وضيق عيونه، فعلا فارق معك
طبعا فارق معى
لف لها وهو بيلبس الجاكيت ، اقصد انك تكونى حامل من الاصل وإنك عايزة تكونى ام او فاضيه لكده الخروجات والنادي وعمليات التجميل اللى بقت أكتر من اللازم ،
انا ماشى يانورا وسعى
نزل اخد عربيته ، وراح لرانيا دخل الشقه ، لاقها قاعده فى الأرض وضامه رجلها ودافنه راسها بينهم ، قعد فى الأرض قدامها ، مسح على شعرها بايده ، رانيا رونى ياروحي انتى قومى ليه نايمه كده
بالعافيه فتحت عيونها
محمود ايه جابك انا مش هجهض المرة دى كفايه اللى فاتت من ٣ سنين ، انا هاخد اللى فى بطنى وامشى بره مصر كلها بس سيب حته منك جوايا سيبه لى ابوس إيدك
اخدها فى حضنه ، وضمها جامد ، ابوس إيدك انتى سيبيه ، خليه وحافظى عليه