مين؟ مين اللي عمل كده؟
هنعرف وانا مش ساكت
الطبيب أكمل بدون ما يرفع صوته:
الطبيب:
الحمد لله قدرنا نسيطر على العقار بشكل كبير… وهي دلوقتي في حالة مستقرة نسبياً، لكن محتاجة متابعة دقيقة ورعاية كاملة.
أبو النور رجع خطوة لورا، عينيه مليانة غضب وقلق:
أبو النور (بغضب ممزوج بالذعر):
إزاي… مين كان عايز يأذيها؟
محمود نظر له بحدة، صوته واطي لكنه تقيل:
محمود:
في ناس… غرضها إنها تفضل كده.
بقلم ميادةيوسف الذغندى
بس دلوقتي… محدش هيقدر يلمها تاني.
رانيا ضمت إيدها على صدرها، عينها مليانة دموع… مش خوف بس… شعور بالحماية، إن أخيراً حد واقف جنبهم ويضمن سلامتهم.
بعد ما خرج الطبيب من الغرفة، الضابط نظر لمحمود بجدية ورفع صوته شويّة:
الضابط:
أستاذ محمود… مفيش أي إدانه جنائية ضدك دلوقتي، وكل اللي حصل كان لصالح حماية حياتها.
محمود شد على كرسيه، بص له بثقة:
محمود:
أنا طلبت الحماية لمراتي… ومحدش غيري كان هيقدر يضمن سلامتها.
الضابط هز راسه، كأنه بيوافق، وقال بهدوء:
الضابط:
طبعاً… وهنسق كل شيء هنا عشان تكون تحت حماية كاملة.
أبو النور مش قادر يهدّي، عينه مليانة غضب وقلق في نفس الوقت:
أبو النور (بتوتر):
مين اللي كان عايز يأذي نورا؟! هي مالهاش أي أعداء!