رواية صغيرة ناصر الأربعيني الفصل الخامس
الفصل الخامس – الاصطدام الأول
كانت آيلا ماشية بسرعة وهي بتضحك مع صحبتها، شنطتها بتتهز مع كل خطوة،
الشمس نازلة على وشها، والإسوارة الدهب بتلمع مع كل حركة من إيدها.
صحبتها قالتلها حاجة، فضحكت آيلا ضحكة عالية خفيفة…
وهي بتلف بسرعة من الزاوية…
بووووم.
خبطت في صدره.
جسمها الصغير خبط في جسده الضخم.
رجعت خطوة لورا وهي متلخبطة، وقبل ما تقع، إيده كانت سباقة…
مسكها من دراعها.
إدوج.
جسمه زي الحديد، عضلاته واضحة تحت قميصه الأسود.
وشه قريب… قاسي، جامد، لكن عينه…
كانت مسمّرة على وشها.
لحظة صمت.
محدش بيتكلم.
آيلا بصتله، وابتلع ريقها وهي بتقول بتوتر:
آيلا (بصوتها الناعم):
“أنا آسفة… والله ما أخدت بالي.”
صوته طلع غليظ، لكن هادي:
إدوج (بهمس مرعب):
“اسمك؟”
اتوترت، قلبها خفق، قالت بخجل:
“آيلا.”
توقف الزمن.
هو عرف الاسم… بس يسمعه من شفايفها؟
ده شيء تاني خالص.
إدوج (وهو لسه ماسك دراعها):
“آيلا… جميل جدًا الاسم.”
ثم نزل عينه على وشها وقال بصوت أخفض:
“بس شكلك… أجمل.”
سحبت إيدها بسرعة، وحاولت تضحك توتر:
“شكرًا… أنا لازم أمشي، متأخرة على الدرس.”
ولفت بسرعة وهربت، قلبها بيدق بسرعة…
وهو؟ واقف مكانه، ضحكة صغيرة طلعت منه وقال بهمس:
“وهبدأ أدرسك أنا… بطريقتي.”