شهق كل الموجدين بفزع بينما قام مراد بحملها ووضعها على السرير وهاتف الدكتور وماهى الا دقائق واتى كلا من منيره وجاسر وحياه وهرول بإتجاه غرفتها وبعدها بدقائق وقام بفحصها
مراد بقلق : خير يادكتور مالها وايه الدم ده
الدكتور : اطمن حضرتك هى بس اتعرضت لصدمه فجلها انهيار عصبى الدم نتيحه انفعال زايد،، انا على العموم اديتها حقنه وهتبقى تمام ان شاءالله ودى شويه مقويات تجبوهالها واهم حاجه الراحه
اخذ جااسر الروشته من الدكتور وشكره
الدكتور : طيب استاذن انا
جاسر وهو يتقدم معها : اتفضل وذهب معها ليجلب الدواء ،،بينما خرج جميع من بالغرفه
انتحبت الحاجه امينه : جرالكو ايه عاد ياولد الاسيواطى تطلعو من مشكله تتدخلو فى التانيه كده ليه
منيره محاوله التلطيف : ده قضاء ربنا ياحاجه ولا اعترض على قضائه
الحاجه أمينه :ونعمه بالله استغفُرو الله العظيم
***************************
فى المستشفى خرج الدكتور من الغرفه
هرول سليم بإتجاه : خير يادكتور ياسمين حصالها حاجه
الدكتور : الحمد لله ربنا ستر الجرح جايه سطحى ومحصلهاش حاجه
تنهد سليم بارتياح ثم شكر ربه : الحمد لله ثم عود نظره مره اخرى الى الدكتور : طيب هى فاقت !!!
الدكتور : ايوه وتقدر تشوفها كمان ثم استاذن الدكتور ،، ودخل سليم الى غرفه ياسمين