رواية شيطان امتلك قلبي الفصل الثاني عشر 12 بقلم سالي اسماعيل – للقراءة المباشرة والتحميل pdf
ماشى سماح المره دى ..
كلك زوق يا صحوبيه ..قولى بقى فى ايه ؟ وايه حكايه الشركه دى وايه علاقه حسان بيهم
ابدا يا سيدى الشركه دى احنا اديلنا اكتر من عشر سنين عملين نلف وراها يمين وشمال …وتقريبا كدا الدور على شركتك نوين يدخلو فيها …
ثوانى بس ان مش فاهم حاجه ايه كل الالغاز دى
بصى يا سليم الشركه دى بتجر فى كل حاجه زى غسيل الاموال تهريب مخدرات تجاره اعضاء ..وغيرو كتير
انصدم سليم مما سمعه ….طيب وايه علاقه شركتى بيهم ..
ما احنا عرفنا انهم نوين يدخلو شحنه مخدرات كبيره باسم الشركه بتاعتك ..وطبعا انت اللى هتلبس الليله كلها
سليم بعصبية …يا ولد ال*** وطبعا هيبقى عن طريق حسان
اااه ما هو حسان اللى اكتشفنه فى الفتره الاخيره …انو شريك معاهم فى الليله دى كلها وهو اللى بيسهلهم العمليات مع الشركات ..وفى حاجه تانيه …
حسين بارتباك …. هو يعنى
فى ايه ياحسين متتكلم على طول ..
حسين ما انا هتكلم اهو …يعنى احنا اكتشفنا بس مش اكيد يعنى انو اللى ورا موت ابوك هو حسان
انتفض سليم من مكانه ….ايه انت متاكد من اللى بتقوله
اهدى يا سليم وبلاش تهور مش عيزين كل حاجه تضيع ….
سليم بعصبيه …اهدا ايه بس وانت بتقول كدا
بالراحه كده انت دلوقت مش فى ايدك اى دليل تثبته عليه ومش هتقدر تعمله حاجه انا بقى عايزك تهدا و تسمع الى هقولك عليه وتنفذه بالحرف الواحد ….