-اتجوز غيرو طيب ازى ازى وهو واخد روحى معها قبل مايمشى خد كل حاجه حلوه فيا معه قتلوه وقتلونى معه
زهئت ماجده من القاعده لوحدها وذهبت الى غرفه البنات وخبطت على الباب ومسح البنات دموعهم
-ادخلى يا ماما
ماجده :ايه يابنتى طلعتى تغيرى منزلتيش والتانيه جات وطلعت تناديكى علشان الاكل اللى برد تحت ده محدش فيكو نزل ايه فى ايه
-مافيش ياماما ده انا الكلام خدنا ونسنى نفسنا
-ملكو شكلكو زى اللى مدينكو علقه سخنه ليه كده انتو كانتو بتعيطو ولا ايه
-بنعيط ! هنعيط ليه بس يامرات عمى يا قمر ده بس البت حياه كانت بتهزر معايا وانتى عارفه هزار بنتك تقيل خالص زى دمها
-انا دمى تقيل ده انا حتى كيوت خالص وعثل موت
-انتى يابنتى عندك مشكله مع الحروف كل شويه تبوظيها
-عادى ياماما ماهى اصلا بايظه
-طيب يلا يا اخره صبرى هاتى بنت عمك وانزلى على مااسخن الاكل تانى بس بسرعه متنموش هنا
-حاضر
وبمجرد خروج ماجده
-ياجبروتك ياشيخه بتلحقى تغيرى نفسك كدا ازى وبالسرعه دى ده انا قولت شويه وهتعرف انك لسه بتفكرى فيه
حياه بغرور :عادى ياماما امكانيت
-طيب يلا ياام الامكانيت ننزل بدل مرات عمى متخالينا متمكنين فعلا
على السفره
-على فكره ياحياه الدكتور دخل نظام جديد فى الماده بتاعتو ومن خلالها هيقيم المشروع بتاعك وبيقول منها تدريب فى المجال اللى انتى فيه ومنها لو المشروع بتاعك حلو هيتنفذ والكلام ده لكل الدفعه والشركه اللى متبنيه الفكره دى مع الدكتور شركه الالفى للمعمار الهندسى ودى اكبر شركات البلد وهتبقى فرصه عمرنا لو المشروع ده نجح بالذات مع الشركه دى وعلى فكره سمعت خير الله ماجعلو خير استغفر الله العظيم يعنى انو صاحب الشركه موز اخر حاجه