منه .. حاضر يا سيف
سيف .. بيقعد يلف بالعربيه وبيرجع علي الفيلا
شهد .. بتسمع صوت العربيه بتجري علي الشباك
سيف .. مش بينزل من العربيه وبيفضل في العربيه
شهد .. هي كمان واقفه في الشباك وهي مش عارفه تعمل ايه تقوله الحقيقه ولا تكمل رغم انه ضربها بس القلم ده كان دليل علي انه بيغير عليها وده كان يخليها تبتسم من غير ما تحس وهي بتحط ايديها علي خدها وكانها بتلمس مكان ايده اللي علمت في خدها وأخيرا بتقرار تنزل وبتخبط علي القزاز
سيف .. بينزل القزاز من غير ما يتكلم
شهد .. انا اسفه يا سيف مش هكلمه تاني لحد ما نطلق
سيف .. انتي عايزه تجننيني طلاق ايه مين قال اني هطلقك
شهد .. مش انت هتجوز ليلي
سيف .. سيبك من ليلي انا مش هتجوز حد
شهد .. ازاي دي حبيبتك.
سيف .. اه دلوقت بتقولي كده عشان يخلالك الجو انتي وعماد ده بعد لما اوصل له وقتله
شهد .. طب عشان خاطري انزل ايدك لسا بتنزف
سيف .. مش هنزل وغوري من وشي
شهد .. لا مش هغور مش احنا اخوات مش هسيبك كده
سيف .. اخوات لا انتي هتجننيني احنا مش اخوات
شهد .. امال احنا ايه
سيف .. بياخد نفس احنا ولا حاجه ممكن تسبيني
شهد .. مش هسيبك وهفضل واقفه كده للصبح ولو تعبت هيبقا زنبي في رقبتك