شهد .. بتترمي علي السرير و تحط ايديها علي وشها انت ازاي تضربني يا سيف
سيف .. بيضرب ايده في قزاز الشباك و القزاز بيتكسر وبيرجع يضرب ايده في الحيط وهو عاطي ظهره لشهد وبيرجع يبوصلها اقسم بالله هقتله يا شهد
شهد .. تقرب منه وتمسك ايده
سيف .. بيشد ايده منها
شهد .. انت بتنزف
سيف .. مالكيش فيه الكلب ده ساكن فين
شهد .. مش هقولك
سيف .. يضم ايده جامد ويحاول يتحكم في غضبه انا هعرف اوصل له والليله هتكون اخر يوم في عمره وطلع من الاوضه ونزل ركب عربيته وتحرك
ليلي .. بترن علي سيف
سيف .. بيطلع التليفون يلاقيها هي بيكنسل ويعمل التليفون صامت وهو بيفكر بصوت عالي معقول شهد الي عمرها ما عرفت حد يكون في حد بحياتها اكيد ده واحد طمعان فيها وعرف يضحك عليها ويوقعها في حبه انا مالي كده هو انا حبيتها لا مستحيل هي زي اختي ركن علي جنب ورن علي منه
منه .. السلام عليكم
سيف .. وعليكم السلام ورحمة الله وبركاته اسف لو كنت ازعجتك.
منه .. لا ولا يهمك اتفضل
سيف .. تعرفي واحد اسمه عماد
منه .. لا ليه ومين عماد
سيف .. ده بيرن علي شهد فانا كنت فاكر انه زميلكم
منه .. مش فاكره كويس بس بكره هعرفه مين وقولك
سيف .. بس بالله عليكي خلي الحكايه دي بينا بلاش شهد تعرف اني كلمتك