شهد .. بالله عليكي اسمعي الكلام وبعتيلي شوية رسايل واتس عايزه اجنن سيف
منه .. والله خايفه سيف يقتلك وضحكت
شهد .. الموت اهون من اللي انا عايشه فيه
منه .. فيه ايه يا شهد
شهد .. ولا حاجه هتعملي الي قولتلك عليه
منه .. امري لله ما قدرش اقولك لا
شهد .. شكرآ يا حبيبتي يلا هنبدأ اول ما سيف يدخل
منه .. ماشي لما اشوف اخرك
داليا .. بتدخل الشقه
ليلي .. عملتي ايه
داليا .. بعتله العشر تلاف وهيختفي
ليلي .. الحمد لله ده لو اتمسك يبقا احنا انتهينا
داليا .. ما تقلقيش لحقنا نفسنا بس الواد مصاريفه كتير
ليلي .. لا شوفي حل العشر تلاف اللي اخذتيهم عشان تديهم لصاصا دول كنت وخداهم من سيف
داليا .. لو قصرنا معاه ممكن يودينا في داهيه
ليلي .. سكتت طب والعمل ايه ونجيب فلوس منين
داليا .. بتمسك ايديها نبيع الدهب ده
ليلي .. بتشد ايديها من ايد داليا لا مستحيل
داليا .. خلاص الواد هيسلمنا تسليم اهالي ده واطي وانا عارفه
ليلي .. لا خلاص انا هحاول اخد فلوس من سيف
داليا .. ايوه كده احنا مش قد السجن يا ليلي
ليلي .. مش عارفه عقلي كان فين لما سمعت كلامك
داليا .. وانا عملت ليه ده كله مش عشان ازيح شهد من طريقك ويخلالك الجو
ليلي .. اه واهو هنروح في داهيه