-لأ، يمكن حد جاي ينضف.
-يووه وده وقته.
ابتسم يضمها مقبلاً وفكرة انها شغوفة مثله تثير إعجابه بها أزيد فقال:
-خليكي هنا هطلع أشوف مين وأجي لك.
قالها وغادر بعدما زاد الحاح الدقات على الباب وفتحه ليصدم من وقوف عمه و ضياء و والد ضياء ينظر لهم بتعجب وجهل وإستنكار.
_____سوما العربي_____
-بابا…بابا..يابابا لو سمحت أنا بكلمك أقف ورد عليا.
التفت له يحي ورد بنفاذ صبر:
-وفر مجهودك يا يوسف أنا الي عندي قولته.
-يعني ايه؟! يعني خلاص كده؟!
جلس يحيي على أول مقعد وردد:
-هو ايه الي خلاص، بقولك ايه الحبيتن دول تعملهم على أي حد لكن عليا لا انا الي جايبك يالا مش انت الي جايبني، يعني الحبيتين بتوع أصلي بحبها وناوي اتجوزها دول مش هيخيلوا عليا.
تقدم من الأريكة التي يجلس عليها والده وركح بنصف ركبته وردد:
-والله بحبها وناوي اتجوزها مش فاهم فين اللعب في كده؟!
-يوسف، روح مثل على حد غيري، ولازم تبقى عارف ان قبل كده لما كنت بشجعك تتجوزها حاجة ودلوقتي حاجة تانيه خالص.
-ماهو بالظبط، عايز اعرف ايه الي حصل ؟! ايه الي جد مانت الي كنت بتشجعني اخذ خطوة!!!
-كنت شايفها بنت لقطة ادب وجمال واخلاق وابوها صاحبي أحبها تكون مرات ابني وام أحفادي وكان ابوها عايش يعني هي في رقبته لسه لكن الي حصل ايه؟! فاكر!