مصطفى ..
زينه..
رواية سهام الهوي الفصل السادس والثلاثون 36 بقلم نوره عبدالرحمن – للقراءة المباشرة والتحميل pdf
سالم كان بيدور الشغاله عشان تجيبله ابنه لكنه معرفش هي فين عشان كده راح يشوفها هو من يوم ما اتخانق هو وسهام وهو بينام في المكتب ومش بيتكلم معاها خالص خاصه أنه شك أنها هي السبب في جواز مصطفى وزينه عشان تخلص منها.. وهي برضو بقت اعند منه وبدأت تبعد عنه ..
لكنه سمعها تتكلم في التلفون…
سهام : مصطفى مش عارفه أفهمه ياهمسه ايه اللي خلاه يختار زينه
همسه …..
سهام : انا خايفه تكرهه فيا .. انتي فاكره مراته سنيه عملت ايه وخلته يكرهني ازاي
همسه ….
سهام : عارفه أنه اتغير بس مكنتش حابه أنه يتجوز زينه .. اي وحده الا زينه..
همسه …
سهام ماشي يا همسه هقفل دلوقتي اروح اشوف ابني ..مع السلامه..
استخبى سالم وهو حاسس بالراحه عشان سهام مالهاش دعوى في جوازت اخوها وزينه ..
سهام نزلت تدور على ابنها ومكنش موجود بالبيت كله وبدأت تنده الشغاله اللي دايما بتوديه لسالم لكنها مكنتش موجوده بالبيت .
حست بالخوف وقلبها بدأ يضرب بقوه وهي بتصرخ ابني .. ابني فين .. سالم.. سالم الحق ابني..
سالم اول ماسمع صراخها نزل بخضه: في ايه
سهام بعياط : ابني مش كان معاك
سالم بقلق: لا انا مشفتوش من الصبح.
سهام بدأات تصرخ وهي بتقول ابني راح ابني حتى المربيه بتاعته مش موجوده لكن فجأه وصلت رساله على تلفونها كانت صوره لابنها مكتوب عليها عاوزك تودعي ابنك. قبل ما يم*وت