يعقوب : امك مستحيل ترجع على ذمتي تاني افهمي ده كويس
زينه عيطت وقالت : بالله عليك يابوي عشان خاطري ترجع امي .. أمي ست كبيره متسيبش الناس تشمت بيها
يعقوب : روحي اوضتك جهزي نفسك جوزك على وصول ..وسيبك من الكلام ده
زينه : يابوي
زينه جريت على اوضتها
سالم سمع كلامها مع يعقوب دخل عليه وقال : مينفعش تتعامل مع زينه كده هي لسه صغيره
يعقوب : ياريت متتدخلش بتربيتي لبنتي ياسالم وخلاص بالليل هتروح بيت جوزها
سالم اتصدم وقال : ايه جوزها امتى حصل كل ده ومين جوزها ..
يعقوب : مصطفى اتقدملها وانا وافقت
سالم : ايه مصطفى … مصطفى اكبر منها وعنده ولد وانت عارف طبعه صعبه برأيك بنتك هتعرف تتأقلم معاه
يعقوب : ياريت متتدخلش ياسالم بنتي واعرف ايه اللي يصلح ليها اكتر من اي حد
سالم: لكن ..
يعقوب وقف وطلع السلم وهو بيقول: ياريت تكون هنا بالليل و تحضر كتب الكتاب..
سالم ….
بالليل دخلت اشواق وبدأت تساعد زينه عشان تجهيزها وزينه بتعيط مش عارفه هتتجوز مين ولا عارفه هيكون مصير الجوازه دي ايه وغير كده مش هيتعملها فرح زي اي بنت.. لبست فستان ابيض بسيط وكانت جميله جدا ..