سنية جرت منه بررا الأوضه ونزلت الدرج وهي بتصرخ عشان ايه حد يلحقها وهي نازله الدرج وقعت والعيله كلها شافتها وهي بتجري ووقعت من الدرج
جريوا عليها واسعفوها .. مصطفى كان عاوزها تم*وت بس مش كده عاوز يشفي غله بيهت بقالها سنين بتخونه ازاي وهو على عماه لكنه فضل ماسك نفسه بالعافيه ولحقها بعربيته واحمد وهمسه اسعفوها
وكان بيش*تمها طول الطريق
زينه : في عالم هنا يمه معندهاش كرامه ولازقه بسالم وهو مش طايقها
سهام : والله سالم جوزي. ابو ابني لكن اللي معندهاش كرامه اللي بتجري ورى راجل متجوز وعنده عيل وهو مش شايلها من أرضها
زينه: انت بتقصدي مين بالكلام ده
سهام وقفت عشان تدخل أوضتها وهي بتقول : والله كلامي جي عالجرح واللي زعل عارف مين المقصود بكلامي هروح اشوف ابني قبل ما يجي أبوه ..
زينه اتعصبت ونزلت دموعها
امها : بتعيطي ليه ياعيبطه دي عاوزه تحرق دمك..
زينه بدموع : وحرقت دمي يمه عايزاني اعمل ايه هي عندها حق..
ام زينه :وحياتك سالم هيبقى جوزك وهتشوفي
زينه بأمل : ازاي يمه ازاي
*********
كانت بتلاعب ابنها لما دخل سالم عليها وباين على وشه ألتعب
سهام بابتسامه : رجعت ياحبيبي حمدالله بالسلامه عارف سالم الصغير من بدري بيدور عليك فعنيه استفقدك اوووي ..