رواية سبر اغوار قلبي ولكن الفصل الرابع والاربعون 44 والاخير بقلم نورهان سامي – للقراءة المباشرة والتحميل pdf

تجمعت الدموع بعينيه و انتشرت الحمرة بهما حتى أن من يراها سيشعر أن بؤبؤ عينيه عائم ببركة دماء ضحلة .. توقف عن صفعها و تسديد الضربات لها و هو يشعر أنه تائه بأرض الله الواسعة التي أخذت تدور من حوله .. ما كان يخشاه تحقق .. تحقق في أخته الصغيرة .. لا يصدق عقله أنها فعلت ذلك .. انتقل لعالم اخر عالم يعرض عليه الماضي القريب و الماضي البعيد بمحاذاة الحاضر .. رأي طيفه و هو مع تالا يقنعها بالخضوع لرغباته .. سمع صوته و هو يحدثها قائلا ” أنا جوزك و كاتبين الكتاب سواء دلوقتى أو بعد الفرح في الحالتين أنا جوزك مش هتفرق كتير ” .. تحولت عيناه لأخته ليجدها تبكي و هى تقول ” قالي إنه خطيبي و هنبقى لبعض فمش هتفرق دلوقتى من بعدين .. هو اللي قالي كده ” تجسد أمامه طيفاً أخر لشبح نيفين و هى تقول ” متنساش يا ماجد إن كما تدين تدان و إن هييجي يوم و يتردلك فيه كل اللي عملته و بتعمله .. هييجي يوم و ينكسر فيه قلبك قبل نفسك .. هتنكسر و ساعتها الندم مش هيفيدك بحاجة .. يشعر حقاً بالانكسار .. و ليس أي انكسار بل انكساره بواسطة أعز أخواته التي لم يكن يتوقع منها مطلقاً أن تكسره بهذا الشكل .. انكسر و لن يستطع أن يرفع رأسه ليمشي متفاخراً بأخواته و يتباهى بتربيتهم و أخلاقهم العالية .. تردد صوت تالا بأذنه كصوت الرعد ” حسبنا الله و نعم الوكيل فيك يا ماجد .. ليا رب كريم هياخد حقي منك ” .. سمع صوت أمه التي دخلت وراءه لكنها ظلت واقفة على الباب و استمعت للحوار بأكمله لتنصدم و تسقط أرضاً من هول الصدمة و هى تردد قائلة ” قولتي مشكلة بس طلعت مصيبة .. طلعت مصيبة و كارثة ” … ظهر له طيفاً أخر له و هو جالس مع الطبيب الذي قال ” حضرتك شكلك متعلم و عارف إن عمليات الإجهاض ديه عمليات مشبوهة و ميعملهاش غير دكتور معندوش ضمير ولا دين ” سمع صوته بعد ذلك و هو يقول ” تبقى لازمة لو الطفل ده هيلوث سمعة العيلة و يوحلها في الوحل .. أنا هقول لحضرتك الحكاية بس ياريت الكلام ميطلعش بره عشان ديه سمعة و شرف عيلة و بنت .. تالا تبقى بنت خالي .. كانت مخطوبة لواحد أسمه أدهم .. صمت قليلا ثم قال : بس علاقتهم اتطورت أوى و ده اللي عرفته مؤخراً “