رواية سبر اغوار قلبي ولكن الفصل الرابع والاربعون 44 والاخير بقلم نورهان سامي – للقراءة المباشرة والتحميل pdf

تنهدت صافي قائلة : ايه اللي منفعوش بس .. هو بيحبك و أنت بتحبيه و عارف مشكلتك زمان و جوازك اللي قبل كده و مع ذلك موافق

حركت رأسها نافية و عبثت بأصابعها بتوتر قائلة : مش هينفع صدقينى

زفرت صافي قائلة بانفعال : ليه مينفعش !! قوليلي حد كان يصدق أبقي كده .. حد كان يصدق إني أحب و أتجوز و إن جوزي اللي بحبه و بيحبني .. الشخص اللي أذاني و أذيته و كنت بكرهه و هو بيكرهني ! قوليلي حد كان يصدق إن صافي اللي كانت مدمرة و فقدت النطق و فقدت ثقتها بالناس و بنفسها حتي إنها كانت رافضة كل حاجة حواليها تبقي هي اللي قاعدة قدامك دلوقتي .. فاكرة من سبع سنين تقريباً لما جيتي المصحة و صداقتنا بدأت في المكان ده .. فاكرة أنا حالتي كانت عاملة ازاى يا مروة ؟ .. هي أه مكنتش تتخير عن حالتك بس كانت سيئة .. سيئة جداً .. قوليلي مين كان يصدق إن حاتم بذات نفسه ييجي يزور ألد أعداءه في المصحة و غير ده كله من غير ما يشمت فيها .. أه ساعتها كنت شايفة الشفقة في عينيه بس كانت بالنسبالي أحسن من إني أشوف نظرات الشماتة و هو شايفني و أنا بالحالة ديه .. حاتم بذات نفسه يفضل يزورني و يهتم بيا الإهتمام اللي محدش اهتمه بيا قبل كده طول المدة اللي فاتت ده أنا أكيد بحلم .. كنت شاكة في الموضوع الأول بس بعد كده بدأت أحس إنه فعلاً انسان جميل .. بدأت أحبه و أفتقده لما يغيب عني .. نزلت دموعها قائلة : مين يصدق إن صافي و حاتم يجمعهم الحب بعد ما كان بيجمعهم الحقد و الكره و غير كده إني أوافق أتجوزه .. من ساعة جوزاي منه و أنا عمري ما ندمت لحظة علي قراري ده .. أنا بجد مكنتش عارفة أنا ازاي كنت بكره راجل حنين زي حاتم مش بيزعلني أبدا .. حاتم فعلاً كان هو الرجل المناسب ليا يمكن عشان مر بظروف تشبه ظروفي من أب بعيد عن أم .. بدعي دايماً إن ربنا يحفظهولي و يخلهولي عشان أنا بحبه أوي و مش متخيلة حياتي من غيره .. كل اللي محتاجاه من ربنا بس هو بيبي صغير يملي دنيتنا ونعوض اللي اتحرمنا منه ويعيش وسط باباه ومامته مش زي ما أنا وحاتم عيشنا وسط أب و أم منفصلين .. قاطعتها مروة قائلة : إن شاء الله ربنا هيرزقكوا بأطفال كتير تربوهم مع بعض