رواية سبر اغوار قلبي ولكن الفصل الرابع والاربعون 44 والاخير بقلم نورهان سامي – للقراءة المباشرة والتحميل pdf

ابتسم مروان قائلاً : بس كده .. عيوني لحبيبة قلبي .. اقتربت منه لميس و احتضنته لتقول صابرين : ممكن تتغدوا الأول و بعد كده تبقوا تروحوا مطرح ما انتو رايحين

اؤمأت لميس برأسها و قالت : موافقة يلا اساعدك عشان نخلص بسرعة ابتسمت لها صابرين و ربتت علي كتفها قائلة : شطورة يا حبيبتي .. يلا روحي و أنا هاجي وراكي

بالفعل ذهبت إلي المطبخ لتقول صابرين له بنبرة محذرة : أنا لتاني مرة هثق فيك يا مروان .. هي أه مش هتبقي ثقة كاملة بس هي بنتك و أنا مقدرتش أبعدها عنك و لا أبعدك عنها خوصوصاً إنها محتجاك في حياتها و أنا مش هعيشلها كتير

اؤمأ مروان برأسه قائلاً : اللي شوفته علمنى كتير .. ديه بنتي من لحمي و دمي و محدش هيخلي باله منها أدي و شكراً إنك مقولتلهاش الحقيقة

اؤمأت برأسها قائلة : عشان نفسية البنت مش أكتر صدقني و يا رب يكونوا السبع سنين غيروا فيك و علموك فعلا زي ما بتقول ..أردفت قائلة بعدما باغت سؤالها عقلها : هتشتغل ايه ؟

مروان بجدية : هعمل مشروع بالفلوس اللي في البنك عشان زي ما أنت عارفة مش هقدر أشتغل شغلنتي تاني

كادت أن تتكلم لكن أوقفها صياح لميس من الداخل و هي تناديها لتأتي حتي تحضر الطعام حتي تأكل و تخرج مع والدها مثل باقي أصدقاء صفها التي كانت تراهم دائماً برفقه والديهما التي حرمت هي من حنانهما لسبع سنوات كاملة .