رواية سبر اغوار قلبي ولكن الفصل الخامس والثلاثون 35 بقلم نورهان سامي – للقراءة المباشرة والتحميل pdf

اقترب أدهم من تالا و قال بجدية : ماتقلقيش هدخل أشوفه و أخرج أطمنك عليه

تمسكت بذراعه و قالت برجاء من بين دموعها : أدهم خليها تدخلنى .. قولها تدخلنى

أبعد أدهم يدها عنه برفق و نظر لــ أسيل الواقفة تتابع بصمت و قال بجدية : خلى بالك منها عقبال ما أدخل أطمئن على عمى

اؤمأت أسيل برأسها ليتركهما و يذهب مع الممرضة إلى العناية المركزة .. اقتربت أسيل منها و ضمتها لها .. نظرت تالا لها و قالت بدموع : شوفتى يا أسيل مشى و سابنى و ماخدنيش معاه عند بابا مع أنه يقدر يقنعهم .. هو يقدر يقنع أى حد بأى حاجة هو عايزها .. بكت أكثر و قالت : اللى خلاه يقنعنى بحبه أكيد كان هيقدر يقنع الدكتور إنى أدخل معاه عند بابا .. هو بيقدر يعمل أى حاجة هو عايزها بس هو مش عايزنى أشوف بابا يا أسيل

ربتت أسيل على كتفها و قائلة : أهدى يا حبيبتى .. هو إن شاء الله هيخرج يطمنا عليه

تالا بدموع : أسيل لو حصله أى حاجة بسببى أنا لا يمكن أسامح نفسى أبداً .. أنا السبب إنه بقى هنا

ظلت تربت على كتفها بحنان و هى لا تدرى ماذا تقول لها أو كيف تخفف عليها !

دخل بعدما إرتدى الأشياء اللازمة للعناية .. أرشدته الممرضة إلى سريره ليجده نائماً عليه ساكناً و الأجهزة تحاصره من جميع الإتجاهات .. وقف بجانبه و هو يتفرسه .. فتح أحمد عينيه بتثاقل و أبعد جهاز التنفس عنه و قال بصوت متعب للغاية : أدهم