رواية سبر اغوار قلبي ولكن الفصل الثاني والثلاثون 32 بقلم نورهان سامي – للقراءة المباشرة والتحميل pdf
أحس أسر بإهانة حديثها و أنها تظن أنه متضايق لما سيتكلفه من جانب مادى كبير و ليس من جانب معنوى فهو يعتبر سيارته زوجته التى لن يتزوج غيرها مهما حدث .. فتاته الوحيدة التى ستبقى معه للأبد عكس الفتيات الأخريات التى يبدلهن وقتما يشاء .. صاح بها قائلاً : أنتِ فاكرة نفسك مين يا بت أنتِ ده أنا لو حبيت أجيب عشرة منك هاجيب و أنغنغهم كمان
تنهدت بملل و قالت بداخلها : ” Really أنت طلعت أغبى منى ” .. نظرت له و قالت بجدية : أسلوبك بشع جداً بجد من كتر تعاملك مع الناس الـــ vulgar و المسجونين .. أنا ماكنش قصدى أضايقك بكلامى .. أنا كان قصدى إنك ماهتمتش بكائن Cute كان هايموت بطريقة بشعة و كل اهتمامك اللى حصل لعربيتك اللى فى الأصل جماد مفيهاش روح بشوية فلوس تقدر تصلحها و ترجعها تانى أو تجيب واحدة جديدة لكن القطة لو كانت ماتت ماكنتش هاتعرف ترجع روحها تانى
نظر لها بغيظ و ضرب كفاً بكف و هو يقول بسخرية : هاتبدئى تقولى كيوت و تتكلمى عن حقوق الحيوان و حقوق الأنسان و حقوق البتنجان اللى مهدور حقه فى السوء و الشغل التافهة بتاع البنات التافهة ده
زفرت أسيل بضيق و قالت بملل : Whatever شكراً إنك جبتنى المستشفى .. Please Keep Calm بقى عشان دماغى بتوجعنى .. صمتت قليلاً و قالت بأسف : Sorry إنى تعبتك معايا بس ماكنش قدامى غيرك يساعدنى