رواية سبر اغوار قلبي ولكن الفصل التاسع والثلاثون 39 بقلم نورهان سامي – للقراءة المباشرة والتحميل pdf
نظرت له بغيظ و قالت بجدية : الحمد لله أن توتة نايمة و مراد فى الأوضة و إلا كانت هيبتى هتروح
ابتسمت تالا ابتسامة صغيرة على طفولتهما معاً و علاقته الغير متكلفة بأخته حتى إنها شعرت أنهما بالفعل أطفال صغار يشاكسون بعضهم البعض دون أن يتطاول أحدهم على الأخر بشكل يضايق .. كانت سعيدة بجلستها معهم رغم كل ما بها من ضيق و غيظ من ما حدث و كلماته التى ضايقتها و غيرتها التى استعمرت كيانها !
نظرت منال لهم و قالت بنافذ صبر : أنا هقوم أحط الغداء
سارة بجدية : لا بلاش غداء دلوقتى .. مش قولتلك إنى هاخد تالا مشوار الأول و بعد كده لما نيجى نبقى نشوف موضوع الغدا ده .. حولت نظرها لتالا و قالت بجدية : يلا قومى ألبسى بقى
نظرا لها تالا و أدهم بنفس اللحظة و قالوا بتساؤل : مشوار ايه ده !
تنهدت سارة بضيق و قالت بنافذ صبر : و أنت مالك أنت ! أنا هخدها و نخرج ساعة ساعتين كده و أرجعهالك تانى صاغ سليم و يمكن أحسن من الأول كمان .. نظرت لتالا قائلة بجدية : يلا قومى ألبسى
نظرت لها تالا و قالت بتساؤل : هنروح فين طيب !
سارة بضيق : توء توء توء أنا واحدة حامل و على أخرى خالص فمش عايزة أسمع أسئلة و لا منك و لا منه .. أسمعوا كلامى و نفذوه و خلاص .. نظرت لأدهم و قالت بتساؤل : أنت موافق صح ؟ لم تنتظر إجابته نظرت لتالا و قالت بابتسامة : يلا روحى ألبسى هو وافق خلاص