رواية سبر اغوار قلبي ولكن الفصل التاسع والثلاثون 39 بقلم نورهان سامي – للقراءة المباشرة والتحميل pdf
أدهم بسخرية : أنتِ انضميتى لجمعية حقوق المرأة و أنا معرفش .. أردف بسخرية أكثر قائلاً : محمد لو سمع الكلام اللى بتقوليه ده هيطلقك و هتيجى تشرفى جمب ماما يا حبيبتى
أمسكت الوسادة الموجودة بجانبها من الجهة الأخرى و ضربته بها بخفة ثم قالت بغيظ : ملكش دعوة أنت .. أنا لو ولدت دلوقتى هتبقى أنت السبب .. حولت نظرها لتالا التى
تتابع حديثهما بصمت و قالت بدهشة : أنتِ مستحملة البنى أدم البارد ده إزاى ! الله يكون فى عونك .. بجد أنا مستغربة
اكتفت تالا بابتسامة صغيرة ليقول أدهم بسخرية : مستغربة ! ده أنا اللى مستغرب إن محمد لسة مستحمل واحدة رخمة زيك .. نظر لمنال و قال بتساؤل : ولا أنتِ شايفة ايه يا منمن !
نظرت لهم منال و قالت بنافذ صبر : شايفة إنك أنت و أختك أتنين أتفه من بعض و مهما كبرتوا هتفضلوا عيال بتنقروا فى بعض .. نظرت لتالا و قالت بجدية : عارفة لو سارة ماكنتش حامل دلوقتى كنتِ هتشوفى حرب مخدات بينهم هما الأتنين و فى الأخر سارة تقعد تعيط و تقوله كفاية و هى اللى بتبقى بدأة أصلاً
صاحت سارة قائلة بضيق : ما أبنك إيده تقيلة و بيستغبى عليا .. فرحان بشوية العضلات اللى عنده
صاح أدهم بوجهها قائلاً بسخرية : اللى مش قد حاجة ميعملهاش من الأول يا حبيبتى .. أنتِ اللى بتيجى تجرى فى شكلى و بعد كده تعيطى