رواية سبر اغوار قلبي ولكن الفصل التاسع والثلاثون 39 بقلم نورهان سامي – للقراءة المباشرة والتحميل pdf
تجاهلت كلماته و أكملت ما كانت تفعله .. شد الكتاب من يدها و أغلقه و قال بصرامة : أنا لما أكلمك تسيبى أى حاجة فى إيدك و تردى عليا .. أنا مش بكلم نفسى
تنهدت بضيق و قالت بنافذ صبر : ايه ! عايز ايه !
أدهم بضيق : أسمها نعم مش ايه
زفرت بضيق و قالت بجدية : مش موضوعنا
أدهم بجدية : أى كان موضوعنا أو مش موضوعنا أسمها نعم مش ايه .. أردف سريعاً قبل أن تجادله : مضيتى الورق
حركت رأسها نافية دون أن تنظر له ليقول بضيق : و حضرتك ناوية إن شاء الله تمضيه امتى ؟
أخذت الكتاب من يده و قالت بجدية : مش فاضية .. أخلص امتحانات و لما أفضى أبقى أشوف همضى ولا لا .. فتحت الكتاب مجدداً و قالت بجدية : لو سمحت سيبنى أركز بقى .. حولت نظرها للكتاب و اصطنعت الإنسجام به !
تنهد بضيق و وضع يده على صفحات الكتاب حتى يمنعها عن القراءة و قال بجدية : خمس دقائق تمضى فيهم الورق مش هيعطلوكى لكن الخمس دقايق دول ممكن يفرقوا معايا و الشركة تتقفل .. أردف بضيق قائلاً : كفاية الأيام اللى فاتوا عطلت امضت الورق عشان أظبط أحوال الشركة قبل ما أسافر
تنهدت بضيق و قالت بجدية : مش همضى على حاجة أنا مش فاهمة فيها حاجة