رواية سبر اغوار قلبي ولكن الفصل الاربعون 40 بقلم نورهان سامي – للقراءة المباشرة والتحميل pdf
ظل أسر يفكر لبعض الوقت ثم قال بجدية : عايز مساعدتك
نظر له أدهم بدهشة و قال باستغراب : مساعدتى ! أردف قائلاً بجدية : أنا مسافر بكره أو بعده بالكتير
ضرب أسر الطاولة بيده و وقف على حيله و قال بحدة خفيفة : مسافر .. مسافر ايه يا بنى أدم .. أنت مش هتسافر قبل ما تحضر فرحى على أسيل و إلا و الله البسك قضية محترمة و امنعك من السفر فاقعد بحترامك أحسن
ضرب أدهم كفاً على كف و قال بسخرية : يا عينى يا أبنى .. ده أنت حالتك صعبة أوى .. جذبه من يده ليجلس ثم قال بتساؤل : أسر أنت بتحبها بجد ولا مجرد رفضها ليك محببك فيها !
ظل صامتاً لبعض الوقت ثم قال بجدية : مش عارف بس أعتقد إنى بحبها
أدهم بتساؤل : مستعد تضحى بكل معارفك البيئة و البنات اللى حواليك لمجرد إنك تبقى معاها هى بس و تكفيك عن أى واحدة تانية .. مستعد تكتفى بأسيل بس من غير ما تخونها أو تيجى عليها و على قلبها !
ظل أسر يفكر لبعض الوقت ثم قال بجدية : أنا بفكر فيها علطول حتى حطيت كل البنات اللى عارفهم فى الـ Black list و بقيت بقرف منهم
ظل أدهم يتفرسه لبعض الوقت ثم قال بتساؤل : هتقدر تتحمل غباء أسيل !
ابتسم و هو يتذكر كل لحظاته معها ثم قال بصدق : ده مش غباء ديه عفوية و طفولة و ده اللى شدينى ليها و حببنى فيها .. أردف قائلاً : يمكن عشان أول مرة أقابل طفلة بتفاصيل و تراكيب أنثى .. صمت قليلاً و قال بابتسامة حالمة : حبتها