رواية سبر اغوار قلبي ولكن الفصل الاربعون 40 بقلم نورهان سامي – للقراءة المباشرة والتحميل pdf
قُلب وجه الفتاة لألوان الطيف السبع ثم أخذت حقيبتها و خرجت بهدوء و وراءها صديقتها
أفاق أسر من صدمته و قال بدهشة : يخرب بيتك ده أنا صدقتك
صاحت به قائلة بعتاب : حرام عليك يا أدهم والله زمان البنت مصدومة و نازلة عياط
تنهد أدهم بضيق و قال بنافذ صبر : بت مايعة و أنا مليش فى المياعة ديه .. أردف و هو ينظر لتالا التى سحبت يدها من يده و الصدمة مازالت مسيطرة عليها قائلاً بسخرية لم يلحظها غيرها : أصل أخاف تالا تنيمنى على الأرض انهارده و أنا الصراحة ضهرى بيوجعنى من نومة الأرض
ضحك أسر و قال بسخرية : ياعينى يا أبنى هو الجواز بيبقى كده .. أردف قائلاً : تخيلنى مكانك هيبقى حكومة خايفة من الحكومة .. صمت قليلاً و قال بجدية : بس عيب عليك أسر جامد أوى مابيخفش
صاحت به أسيل قائلة بتلقائية : أما نشوف يا أستاذ أسر
ضحك أسر و قال بابتسامة : لو هشوف على إيدكِ يبقى معنديش مانع أشوف و أشوف و أشوف
توترت من عبارته فقالت بارتباك : احنا مش هنمشى ولا ايه ؟
أسر بجدية : مفيش الكلام ده .. صفق بيده ليأتى الجارسون بعد دقائق ليست بكثيرة و هو يضع أمامهم كب كيك كبيرة الحجم مكتوب عليها Would You Marry Me Asel ! و مكتوب تحتهم إجابتين لتقبل أو لتقبل أيضاً فقد كان مكتوب ” موافقة ” و ” yes”