رواية سبر اغوار قلبي ولكن الفصل الاربعون 40 بقلم نورهان سامي – للقراءة المباشرة والتحميل pdf
أسيل بضيق : متقوليش يا حبيبتى ديه .. أردفت بتساؤل قائلة : أسر أنت بتصلى !
دهش من سؤالها المفاجئ ..نكس رأسه و قال بارتباك : أه .. مش دايماً .. أردف قائلاً بحرج : لا .. رفع نظره لها و قال بتساؤل : و أنتِ !
صمتت قليلاً و قالت بجدية : كنت بصلى لما كنت قاعدة مع تالا علطول بس دلوقتى ساعات بصلى و ساعات لا .. أردفت قائلة بجدية : أنا عايزة أتجوز واحد بيصلى عشان يشجعنى على الصلاة علطول .. أردفت قائلة : أنت عارف تالا طلبت من أدهم عشان تتجوزه يحفظ القرآن كله و لحسن حظه كان حافظه كله .. صمتت قليلاً و قالت بتساؤل : تفتكر يا أسر إننا ممكن نبقى زي تالا و أدهم .. تفتكر إنك ممكن متفوتش صلاة و تبقى حافظ القرآن زي أدهم .. تفتكر أنا ممكن أبقى زي تالا و مسبيش صلاة و اتحجب و البس لبس زى لبسها
سمعت صوت تالا يجاوب عليها قائلاً : اللى عايز يبقى ملتزم هيبقى ملتزم و يختار الطريق المستقيم حتى لو كله عقبات و شوك و نهايته بعيدة و صعب إنك توصليلها و اللى عايز يبقى غير ملتزم هيبقى غير ملتزم بأسهل الطرق و من غير مجهود .. أردف أدهم قائلاً مكملاً كلمات تالا : بس الذكى اللى يبقى عارف إن أخرة الطريق الصعب راحة و سعادة و الغبى اللى يبقى فاكر إن أخرة الطريق اللى مخدش فيه مجهود عشان يوصله نفس الراحة و السعادة