رواية سبر اغوار قلبي ولكن الفصل الاربعون 40 بقلم نورهان سامي – للقراءة المباشرة والتحميل pdf
ابتسمت بعدم اكتراث و قالت بملل : عادى بحل
ابتسم لها و أراد ان يتحدث معها لكن لسانه معقود .. من يراه الأن يظنه أنه لم يكلم نساء بحياته مطلقاً .. وجد نفسه يقول بتساؤل : أنتِ رفضتينى ليه ؟
صمتت قليلاً تفكر ثم قالت بملل : أنت بشنب
ضغط على أسنانه بغيظ و قال بضيق : رفضانى عشان بشنب .. صاح بها قائلاً : مش شايفة إنه سبب غير مقنع بالمرة
تنهدت بضيق و قالت بملل : مقنع بالنسبة ليا .. أردفت قائلة بضيق : و بعدين أفرض أتخانقت أنا و أنت .. ممكن تشتمنى عشان لسانك مش محترم من كتر تعاملك مع الناس الــ Local .. و ممكن تحطنى فى الحبس أو تخدنى معاك القسم و تسمعنى قضايا المجرمين البشعة عشان تعاقبنى .. و بعدين بقى الأكتر أفرض أنا ضايقتك أوى ممكن تموتنى أو تحرقنى و هيبقى عندك بدل الطريقة ألف من القضايا اللى بتشوفها و بتسمعها و غير ده كله مش هشوفك فى البيت كتير و ممكن حد بيكرهك من المجرمين يخدنى أسيرة عنده عشان ينتقم منك فيا
حك يده بشعره و قال بتفكير : تصدقى أفكارك تجنن .. عجبتنى جداً .. لما اتجوزك إن شاء الله هبقى أعملهم
أسيل بملل : أسر أنت مش بتزهق ! أنا مش موافقة أتجوزك