+
زهرة بضيق …
ـ دا ع اساس أنه مكنش عجبك ؟
+
عمار …
ـ ما هي اللي خلتني اشوفو كدة
+
لمار …
ـ طالما مش بتعرفي تختاري الوان صابغة بتعملي لوحدك ليه ابقي قوليلي وانا ابقي اقولك تحطي ايه يليق عليكي يا زوزا يلا كله عشانك يا كبير
+
عمار …
ـ قلب الكبير والله يلا بقا نشرب بيبسي ف البلكونة ع رواقة سوا
+
لمار …
ـ يلا لاني قربت اروح كمان وعايزة اشبع منك
+
عمار …
ـ متقلقيش يا قلبي هوصلك
+
وخرجو من غير ما يبصو علي اللي دموعها علي خدها بسبب هزارهم التقيل اللي بيهد ثقتها بنفسها وبيخليها كارهه اللمة دي كل يوم عن اللي قبلة
+
برة بدءت اللمة تنفض من بعد ما عمار خد لمار يوصلها عدي كان اول اللي مشي عشان يعرف هايدي مالها استأذن منهم وخد كريم وهايدي وطلعو شقتهم و بعدهم زهرة استأذنت و طلعت شقتها وبعدها ابتسام ومكة وانس
+
**************************
في شقة انس ومكة
+
انس بضيق …
ـ ممكن اعرف قالبة وشك عليا ليه ؟ ما كنتي كويسه تحت وعماله تضحكي
+
مكة …
ـ يعني انت مش عارف عملت ايه تحت ؟
+
انس بنفي …
ـ انا معملتش حاجة طلبتي مني اخد تالا لما تصحي و عملت كدة في ايه بقا ؟
+
مكة …
ـ يا سلام مخدتش بالك انك طفحت طبقين رز بلبن ومطلعتش منك حتي تسلم ايديكي يا حبيبتي وكل واحد كان عمال يشكر في عمايل مراتة وانت قاعد ساكت كأن القطة كلت لسانك