+
هايدي
ـ وافرضي جاي فعلا اعمل انا ايه ؟
+
هدي
ـ اهدي يا حبيبتي الحضانة معاكي قانونا وجوزك بيحب ابنك وعوضة عن حرمانة من العيال اكيد مش هيقف يتفرج يعني اهدي بس كدة وقولي يارب
+
هايدي
ـ يارب يارب استر انا مقدرش ابعد عن ابني يارب
+
هايدي قفلت مع ماماتها وحاولت تبان عادية بس عدي حس انها متغيرة قرب منها وكلمها براحة
+
عدي ..
ـ مالك ؟ بابا وماما كويسين ؟
+
هايدي …
ـ اه الحمد لله كويسين .. لما نطلع هقولك علي كل حاجة بس بلاش كلام دلوقتي ممكن
+
عدي …
ـ ماشي يا هايدي بس فكي كدة بلاش التكشيرة دي
+
ابتسمت هايدي ابتسامة بسيطة و حاولت تندمج في الكلام مع البنات …
+
***************
في المطبخ كانت زهرة بتعمل قهوة ل محسن لما دخلت عليها لمار و عمار وهما بيهزرو وبيصبو بيبسي لنفسهم
+
لمار بضحك …
ـ بس بقا يا عمار مش قادرة ابطل ضحك هموت منك حرام عليك
+
عمار بضحك …
ـ انا جيت جمبك انا بقولك اللي حصل بس
+
لمار بصت ل زهرة …
ـ بس سيبك انتي ايه اللون الجامد اللي ضربتيه في شعرك دا ( ضحكت بتريقة )
+
زهرة ..
ـ ماله ع فكرة عجب عمار
+
لمار بصت ل اخوها …
ـ دا عجبك ازاي دا دي كأن صفار بيض طافح في شعرها
+
عمار بضحك …
ـ يخربيت عقلك بس بقا عشان بعد كدة كل ما هبصلها مش هشوفه غير كدة بجد