+
مكة
ـ حاضر يا حبيبتي حالا
+
عمار بصوت واطي لأمة
ـ مكنش لازم تحرجي لمار كدة قدامنا هي مش بتحب الهزار دا وانتي عارفه
+
ابتسام بضيق
ـ وانتم لما كنتم هتبدؤ وصلة التريقة علي الغلبانة دي كان عادي ؟
+
عمار بتبرير
ـ بس زهرة مبتزعلش وعارفه أن بنضحك معاها
+
ابتسام
ـ اسكت يا عمار عشان مترفعليش الضغط اسكت
+
تلفون هايدي رن باسم ماماتها استأذنت منهم ودخلت ترد في البلكونة وعيون عدي كانت عليها
+
هايدي
ـ أيوة يا ماما عاملين ايه ؟
+
هدي
ـ الحمد لله انتي عامله ايه وكريم و عدي
+
هايدي
ـ الحمد لله يا حبيبتي.. مال صوتك يا ماما انتم كويسين ؟
+
هدي
ــ بصراحة يا هايدي ابوكي محرج عليا اقولك بس انا شايفة انك لازم تعرفي
+
هايدي بقلق
ـ في ايه يا ماما قلقتيني بابا كويس ؟
+
هدي
ـ كويس يا حبيبتي بس اصل وليد طليقك اتصل بيه امبارح وقالو إنه هيرجع قريب و و يعني كان
+
هايدي
ـ وايه يا ماما الله يخليكي قولي
+
هدي
ـ بيقول راجع ياخد كريم معاه ومش هيسيبو تاني ابدا
+
هايدي بصوت مخنوق
ـ كريم مين اللي ياخده هو متنازلي عن حضانتة اول ما أطلقنا هو لعب عيال ولا ايه ؟
+
هدي
ـ ابوكي مسكتلوش والله وقالو لو قربت منهم جوزها مش هيسيبك ربك يستر بقا ابوكي شايف أنه ولا هيجي ولا حاجة وانة بيقول اي كلام لأجل يعكنن عليكي وخلاص