+
لمار
ــ معلش يا عمي اخوات معتز جايين بكرة عند حماتي علي الغدا فكنت بساعدها في البيت والاكل عشان مسبهاش لوحدها خلصت وجيت علي طول
+
ايمان
ـ ربنا يجعله في ميزان حسناتك يا بنتي
+
لمار ابتسمت
ـ اللهم امين يا طنط
+
عمار
ـ وحشتيني يا لولو بقالي كام يوم مشفتكيش
+
ابتسام
ــ دا علي اساس مش كل يوم تتكلمو مرة واتنين كمان
+
لمار
ـ الله وانتي مضايقة ليه يا ست ماما اخويا حبيبي وبيطمن عليا كل شويه .. لتكون زوزا هي ال مضايقة لا لا متقوليش
+
زهرة بهدوء
ـ لا طبعا ربنا يخليكم لبعض
+
لمار
ـ امين يا رب عتريس اللي جوة دا عامل ايه حبيب عمتو
+
زهرة
ـ الحمد لله
+
لمار
ـ انتي متأكدة يا بت يا زهرة أنه واحد بس مش تؤام
+
زهرة
ـ لا واحد بس أن شاء الله
+
لمار بضحك
ـ اومال مالك منفوخة اوي كدة ليه ( ضحكت جامد )
+
عمار بضحك
ـ والله لسه بقولها دا مش حمل طبيعي دا اللي يخليكي تضربي كدة
+
ابتسام بضيق
ـ ما خلاص يا ختي انتي وهو خليكي في بطنك اللي مش باينة دي كانك حامل في زيتونة
+
لمار كشرت
ـ انا يا ماما حامل ف زيتونة عشان سمبتيك ومتخنتش زي مرات ابنك يبقي بنتي زتونة
+
ايمان
ـ يختي ربنا يقومكم انتم الاتنين بالسلامة يارب .. ( ثم التفت ل مكة ) ما تجيبي الرز بلبن اللي عملتية يا مكة ولا هتدوقي انس وبس