محسن
ـ الله الله ايه الاكل الحلو دا تسلم ايديكم جميعا
+
ايمان
ـ تسلم يا حج بصراحة المحشي دا عمايل هايدي و زهرة و المكرونه بالبشاميل عمايل مكة وانا و ابتسام الفراخ والسلطة
+
محسن
ـ تسلم ايديكم كلكم
+
عمار
ـ تسلم ايديك يا زهورتي المحشي تحفة وكان نفسي اوي فيه
+
زهرة ببتسامة
ـ تسلم يا حبيبي بالهنا والشفا
+
انس
ـ تسلم ايديكي يا حبيبتي
+
مكة
ـ تسلم يا قلبي
+
هايدي
ـ وانت يا عدي مفيش تسلم ايديكي يا مراتي يا حبيبتي ولا ايه هه
+
عدي ببتسامة
ـ لا طبعا تسلم ايديكي يا ست البنات
+
ايمان
ـ شوفي يختي كل واحد عمال يحب في مراتة ازاي ال ما حد قال تسلم ايديكي يا ماما يا حبيبتي ولا عبرونا
+
ابتسام
ـ خلاص بقا يا ايمان راحت علينا
+
عمار
ـ دا كلام بردو دا انتم الخير و البركة كله تسلم ايديكم يا حبايبي
+
عدي
ـ تسلم ايديكم يا قمرات انتم الأساس طبعا
+
الغدا خلص في جو جميل كله حب وهزار وبعده اتلمو كلهم يشربو الشاي سوا و يأكلو الحلويات
+
انس بصوت واطي ل مكة
ـ اومال فين تالا مش سامع صوتها
+
مكة بصوت واطي
ـ نايمة من بدري خلي بالك لو صحيت انت اللي هتشيلها انا ضهري وجعني من الوقفه في المطبخ طول اليوم ومش هقدر اقعد اعافر مع بنتك عشان متجيش قدامهم وتحرجني