رواية زهرة اصلان الفصل العشرين 20 بقلم يسر – للقراءة المباشرة والتحميل pdf

– الجد المتابع لحديث السيدة نعمة :
إيه .. قفل السكة ؟؟
– السيدة نعمة :
شكله كده .. لا حول ولا قوة إلا بالله .
– الجد : إيه يا نعمة .. قالك إيه ؟
– السيدة نعمة :
قال هيحاول ييجى فى أقرب وقت .
– الجد :
متقلقيش عليهم خليهم يتفاهموا مع بعض .. و انتى عارفة
إن روحهم فى بعض .. عشان كده خايف عليها .
– السيدة نعمة :
آه والله يا عمى .. أول مرة أشوفوا مخضوض كده .. ربنا يستر .
– الجد :
خير يا بنتى ………
– السيدة نعمة قلقة :
أصله الصراحة كان عصبى أوى .. خايفة عليها لما ييجى .
– الجد ضاحكا :
خايفة على زهرة من ابنك ؟
– السيدة نعمة موضحة :
أصلان دا نن عينى من جوا .. بس أنت عارف إنه شديد عليها ..
خايفة يأذيها من غير ما يحس .. و أنت عارف يا عمى البنت من غير
حاجة مش مستحملة .
– الجد مطمئنا السيدة نعمة :
ﻷ .. متخفيش عليها دا يحميها بروحه .. دى زهرته زهرة الأصلان .1

أما عند الأصلان الذى أنهى للتو محادثته مع والدته و قد سقط قلبه خوفا على زهرته .. يعلم الله أنه يشعر بشئ سىء و لكنه ظل يكذب نفسه ولم يتوقع أن يكون الشئ السىء لقطته .. تلك القطة التى أهملت صحتها بعد أن غادر على الرغم من إنه وعدها بالعودة فى أقرب فرصة .. يعلم هو أنها لا تتحمل بعده عنها كما يعلم الله وحده كم أنه لا يتحمل بعدها عن أحضانه .. و لما الكذب فهو اﻵخر لا ينفك يدخن السيجارة تلو الأخرى وقل طعامه فى مقابل زيادة أرقه وسوء مزاجه الذى عانى منه الجميع و كأن طبيعة جسده تمردت عليه .. و جاء له خبر مرضها كالقشة التى قسمت ظهر البعير فترك كل شىء فى مقابل الإطمئنان عليها و لحسن حظه أنه أنهى تقريبا كل عمله وترك الباقى لمحمد وتحت يده العمال بعد أن أبلغه بضرورة سفره على أن يلحقه بعد يومين الأمر الذى استقبله صديقه و زوج أخته بصدر رحب .