فى اليوم التالى فجرا :
– استيقظت زهرة لصلاة الفجر … وبعد أن أنهت حمامها وأدت صلاتها….
أبدلت ملابسها إلى فستان رقيق راقى أحمر اللون محتشم يغطى
زراعيها ويصل لأقدامها ، وعلى أحد أكتافها شال حريرى لونه جملى
نفس لون الحذاء المسطح الذى ترتديه ،أما شعرها تركته كالعادة منسدلا.
– اتجهت لأسفل لإعداد الفطار كعادتها مع عمتها وأبيها وأخواتها …. وجدت
الجد مستيقظا هو ونعمة يشربان القهوة …. وقد تفاجأ بها :
– صباح الخير يا ماما … صباح الخير يا جدى .
( وقبلت يد الجد الذى ربت على كتفها )
– صباح الخير يا بنتى .
( وقد انشرح صدرهم لتلك اﻷميرة الصغيرة التى شاءت اﻷقدار أن تأتى
إليهم ، هى أنيقة جدا ونظيفة مما جعلهما يتأملاها بإعجاب )
– قال الجد بمحبة صادقة :
خير يا رورو … صاحية بدرى …. أنت منمتيش من إمبارح .
– قالت زهرة وقد كساها الحياء قليلا :
ﻷ خالص …. أنا نمت الحمد لله …. بس … أصلى …. أصل الصراحة
متعودة أحضر الفطار فى الوقت ده …. مش أنتوا بردوا بتفطروا بدرى .
– نعمة مبتسمة :
أيوه أصلان بيفطر على الساعة سبعة عشان شغله ، هو وجدك و
الولاد بس البنات ساعات بيتأخروا شوية .
-ردت مبتسمة ولمعت عيناها :
مفيش مشكلة أنا خمنت كده برضه …. طاب تسمحي أحضر الفطار .
( ثم خفضت عينيها حياء )
– ابتسم الجد وضحكت نعمة قائلة :
يا حبيبتى …. أنتى قايمة عشان تحضرى الفطار …. لأ استريحى
أنا وأم أحمد بنعمله.
– أشارت زهرة برأسها :
ﻷ خالص …. أنا متعودة …. بس هزود شوية .