– لم تتحمل اختها أكثر من ذلك فقالت :
اتقى الله ، بقى دى لو بنتك هترضيلها كده .
– أجابت الأخرى بعد ان اسكتت ضميرها :
ومرضاش ليه بقى …. انا عارفة حظ ايه ده كل ما ابعدها تيجيلى
أقرب من الأول ، لأ وبدل ما كانوا بيشفوها كل كام يوم هتعد
على قلبى على طول ، لا وفى عز ملوش اول من آخر .
– على صوت اختها وقد فقدت كل صبرها :
هيا مين دى اللى هتعيش فى العز ، دا قليل اما علقوها بسبب
عملة ابنك .
انا قايمة اشوفهم عملوا ايه فى الغدا .
وتركتها متحججة باعمالها المنزلية .
– أصدرت ام صابر صوت من فمها استنكارا لما قالته اختها والذى لم يكن
إلا الحقيقة ،وقالت :
بتسبينى وماشية بدل ما تخففى عنى المصيبة اللى انا فيها .
– جلست اختها ثانية ، وقالت :
طاب اسكتى، زمان صابر جايبهم وجاى وخلى يا اختى المصايب
لبعد ما تيجى صفية على الله تلاقى حد يفكك منها .
.
.
.
.
.
.
.
.
.
.
فى نفس الوقت بسيارة صابر حامد المنصورى :
– يجلس صابر بالمقدمة بجانب السائق وفى الخلف الغالية والعمة صفية ،
وقد كان صابر يرتدي جلبابه ام العمة صفية قد ارتدت كعادتها عباءة سوداء
راقية ،أما الغالية فقد ارتدت فستان أزرق كلون عينيها طويل يصل لقدميها
طويل الأكمام لرسغها يضيق من الصدر وينزل متسعا إلى حد ما وعلى
كتفها شالا حريرى يتنوع ألوانه ما بين الأزرق من نفس لون الفستان ،
واللون الأبيض والبيج، وفى قدمها حذاء ابيض ” فلات ” رقيق ، وقد
انسدل شعرها الذى تعدى فخذيها على ظهرها بلونه الاسود الامع ، وقد
اصطبغت وجنتيها باللون الأحمر لارتفاع الحرارة وارهاقها فهى اول مرة
تسافر تلك المسافة .