– على طاولة السفرة اجتمعت العائلة لغذاء متأخر فقد شارفت الساعة على الرابعة عصرا تحت تأفف أسامة الذى أهلكه الجوع قائلا للجد :
أسامة صائحا بحنق :
يا جدى حرام بقى .. ارحمونى و حطوا اﻷكل بدل المائدة
المستديرة الفاضية اللى إحنا آعدين عليها دى .. أنتوا حجزين
اﻷكل جوا ليه ؟؟
قال بودة الذى يلاعبه أبيه محمد و قد استبد به الجوع :
فين رورو يا جدى ؟؟
الجد : لسه فوق يا بودة .
بودة : فوق فين ؟؟
الجد الذى بدأ يتملل : فى أوضتها.
بودة بتلقائية :
أنى أوضة يا جدى .. أوضتها هى وخالى أصلان و لا أوضتها
هى و تاتا .
ضحك أسامة بصخب على كلام بودة كما جعل الجد يقول له حانقا :
أخرس يلا .. ” ثم أجاب بودة ” .. فى أوضتها هى و خالك أصلان .
إإإإإإإإإإإإإإإإإإإإإإإإ ييييييييييييييييييييييييييييييييييييييييييييييه 
1
نطق تلك الكلمة أربعة أفواه متعجبة ل أسامة و سوما و محمد و أسماء .. ثم علق أسامة : هالله .. هالله .. إيه اللى بيحصل و إحنا منعرفش ؟ .. و
فين أصلان من ساعة ما كان بيكسر المكتب و إحنا مشوفناهوش؟
وأكمل محمد : إيه اللى خلاه يكسر المكتب أصلا ؟
وعقبت أسماء : ومن أمتى وإحنا فاهمين أى حاجة ؟
فقالت السيدة نعمة حانقة :
ومن أمتى وأنتوا بتفهموا .. وإيه يعنى أما يكسر اﻷوضة ؟ ..
هى أول مرة .. كان متدايق شوية وبعدين راق و طلع أوضته
فيها حاجة دى ؟؟
” طاب و زهرة ؟ ” قالت سوما .
السيدة نعمة متأففة : مالها ؟
أسرعت أسماء بقولها :
هى فين ؟ .. كل ما نسألك عليها تتهربى من الكلام .
نعمة وهى تنظر للجد نظرة ذات معنى جعلت الجد يفاجأ الجميع و يقول :
طلعت أوضتها مع أصلان .
محمد : و هو رضا يا جدى ؟
الجد الذى يسعى لتثبيت قدم زهرة :
يرضا بأيه يابنى .. واحد ومراته هيناموا فين يعنى ؟
أسامة معلقا :
آه والله يا جدى .. واحد ومراته هيناموا فين يعنى فى أوضة أمى .
السيدة نعمة محذرة : ولا ؟؟؟
أسامة : لمؤاخذة يا ماما .. ثم أكمل .. يعنى هو و زهرة اتصالحوا ؟
فأجاب الجد تحت نظرات أربعتهم : أيوه .
هللت أم أحمد التى يبدو أنها استمعت ﻵخر الحديث وهى تأتى بالطعام على طاولة السفرة .. مما جعل نعمة تقول حانقة :
جبتى الأكل ليه الوقتى يا أم أحمد ؟
فأشارت أم أحمد بأتجاه السلم حيث ينزل أصلان محتضنا زهرة إليه بتملك ويبتسم .. مما لقى الحبور عند الجد والسيدة نعمة اللذان لم يراه سعيدا بهذا الشكل منذ حادثته هو و بثينة مدركين أنه لم يخرج هو و زهرة من جناحهما منذ مغادرة عابد وإسراء الليلة السابقة .