– (خرج منير من حجرته على صوت أمه العالى متافف فهو يعلم امه):
خير يا أمى .
– ( توجهت له بالحديث لتكمل معه وصلة الردح الشرقى ): فيه أن
المحروسة هربت من عمايل الأكل واتسهوكتلى. .ال ايه تعبت
– حق بها ابنها وزوجها بغضب ، ثم رد زوجها دفاعا عن تلك الفتاة التى
دخلت قلبه منذ أن رآها :
تطبخ ايه أمال اللى جوا دى بتعمل ايه ، ثم أنها لسه فى اول
حملها المفروض تريح علشان ربنا يقومها بالسلامة، ولو شغل
البيت كتير على اللى جوا نخليهم اتنين بدل واحدة .
– وأكمل منير كفاية عليها نفسها وأنها بتراعينى ومش مقصرة معايا ،
وأنا لما جيت من الشغل لقيتها فى المطبخ وقولتلها تدخل تستريح .
– انتوا هتخشولى قافية انتوا الاتنين ألا محد فيكو دافعلى كده قبل كده .
.
.
.
– وقبل أن تقوم بنهاية العرض ببكاء كالعادة ، خرجت تلك القابعة فى غرفتها
وقد سمعت العرض كاملا ، وعينيها على حبيبها الذى رأت فى عينيه
اعتذارا كالعادة كلما ضايقتها والدته والتى قد أفهمها طباعها كاملة
قبل زواجهما ، فارتسمت ابتسامة صادقة على شفتيها وتوجهت لمارى
منيب :
حقك عليا يا ماما ، معلش بقى حفيدك تعبنى شوية
– ردت صفية بلهفة وقد قامت سلوى بالضغط على كلمتها السحرية( الحفيد)
لأ. .لأ يا سلوى انا عاوزاكى تريحى تتغذى كده خلى الواد يملى.
– وجدت صفصف أمامها ثلاثة أفواه مفتوحة على وسعها وستة أزواج
من العيون تنظر لها وكأنها كائن فضائي بثلاث رؤوس ، فهبت بهم :
ايه فى ايه … بتبصولى كده ليه
زييييييييينب زييييييييينب انتى يا بت شهلى عشان نأكل الواحد جاع.
.
.
.
– صوت مفتاح يدار فى الباب يدخل منه شاب فى الثلاثين من عمره
طويل ولكن ليس بطول اصلان ،جسمه متوسط ، ابيض البشرة شعره
بنى طويل لنهاية رقبته، ويرتدي نظارة طبية خلفها عينان عسليتان كاخيه
ويرتدى بدلة أنيقة .
………….. السلام عليكم .