– ضحك الكل على كلامه .
– ثم توجه بالحديث لجده:
منور يا حج قدرى …. حبيب قلبك اتجوز أهو مش خطب …. أنا بقى
… حرام خللنا.
– صمت الجد ولم يجبه… فهو لم يحب التسرع بزواج أسامة إلا بعد استقرار
أمور أصلان ، وكذلك عدم رغبته بمجئ أسرة زاهر فى الوقت الحالى
إلا بعد أن يتمم أصلان زواجه ، فقال متضايقا:
مستعجل على إيه … الصبر …. مش وقته .
– أسامة بفقدان صبر :
لييييييييييييييييييييييييييه .
– الجد :
كده وخلاص … لما سوما تدخل الجامعة …. وترتب أمورها فيها .
– محمد بعبث:
أنا لو منك يا سوما استغل الخطوبة واتخرج اﻷول … وبعدين تتجوزى.
– أسامة منتحبا، يدعو على محمد بسره ،فقال مستغلا جملة الفنان فؤاد
المهندس فى فليم” أخطر رجل فى العالم ” .
محدش يحوشنى … سبونى اقفش رقبة الراجل ده.
أيوه يا أختى خلصى جامعة فى الخطوبة واستغلى التدريب فى
الكشف عليا ….
– ضحك الكل عليه مرة ثانية .
– فقال الجد ، بعد أن لاحظ حزن أسامة و سوما ، وعز عليه أن يكسر
بخاطر حفيدته اليتيمة ، فسلم أمر زهرة و أصلان لله :
طاب حتى لحد نص السنة أما نشوف مواعيد دراستها … عشان
متهملش فى الدراسة .
– ردت سوما سريعا :
لأ … مش هاهملها إن شاء الله .
– فضحك الكل على هذا الثنائي الجميل .