– جلس الجميع على السفرة التى يترأسها الجد … وبعد تناول الطعام
جلس الجميع بالصالة إلا نعمة و زهرة اللتان ساعدتا برفعها ثم التنظيف
بالمطبخ … و بعد فترة قصيرة خرجت زهرة بالشاى هى وأم ذلك الوحش
اللطيف الذى يتابع كل تحركاتها بعينيه متبادلين اﻷحاديث المختلفة .
– أسامة بابتسامة صادقة :
منورة يا زهرة … أنا لو أعرف إن أكلك حلو كده كنت جيت من
بدرى … أنا هلبدلكوا هنا ….
– ابتسمت له زهرة بصدق :
أنا مش عاملة كله ماما هى اللى عملت أنا ساعدتها بس .
– أبتسم الجد لها وذلك الذى أعجبه منادتها لأمه ب ماما ، اما أسامة الذى
أبتسم بخبث :
أيوه أم أحمد قالت لنا إن أنتى اللى عاملة الرز والسلطة واللحمة و
الملوخية اللى بيحبهم أصلان والباقى هما اللى عملوه .
– تلون وجهها بحمرة لذيذة … ولم تستطع الرد على أسامة … أما أصلان
خزره بعينيه مما أوقف الضحكة بحلقه وتوعد له فى سره وأيضا بقتل
تلك الدادة التى كما يقولون مبيتبلش فى بؤها فولة .
– أكمل أسامة ثانية على الرغم من امتعاض أصلان منه :
بس الصراحه أنتى جيتى ليا نجدة من السما .
– تابع بعد أن تمكن من جذب انتباهها ثانية :
أيوه شايفة البت الحلوة دى ( مشيرا لسوما) خطيبتى مع إيقاف
التنفيذ … لأن جدى صمم مفيش أى حاجة رسمى إلا أما أصلان يخطب
اﻷول وبعدين أنا … وأديه الحمد لله عقدته انفكت مفضلش غيرى أنا
والغلبانة دى اللى من غير جواز فى البيت ده .