– نانى بتدخل تحت سمع منير و رائد :
بس دا كبير عليها أوى .. أزاى أهلها
يوافقوا عليه .
– بوسى بصفاقة :
مع إنى مش عارفة إيه سر التدخل بتاعك
دا فى شىء ميخصكيش بس أنا هجوبك
.. لأن اللى أنتى عمالة تشاورى عليه بقالك
ساعة عليه و مستكبراه أوى ده كبير البلد
اللى أنتى قاعدة فيها دى بعد جدى و كمان
أغناهم .. و ألف واحدة تتمناه .. و زى ما
أنت شايفة لما حب إنه يتجوز مأخدش إلا
الكريم شانتيه اللى أدامك دى .
– نانى بغيرة :
أممممممم .
تركت بوسى نانى ورائد و منير و انضمت مرة أخرى إلى أصلان و زهرة بعد أن طردت سوما من جانب زهرة و جلست مكانها .. و أخذت فى تبادل الحديث مع زهرة و أصلان ولم تلبث بوسى كثيرا إلا و شعرت بقرب زهرة لقلبها خاصة بعد رؤية حبها الشديد لأصلان و شخصيتها الطيبة فقد وجدتها جميلة قلبا و قالبا مما جعل بوسى تعدها أخت لها بجانب سوما .. أخرج بوسى من أفكارها ملاحظتها الإرهاق الواضح على زهرة مما جعلها تسألها مسرعة
– بوسى :
رورو .. أنتى تعبانة صح ؟!
– زهرة بقلق من غضب الأصلان :
لأ خالص .
و لكن تدخلت نعمة فى الحديث قائلة :
لأ إيه بس يا بنتى .. دى مانامتش من
إمبارح يا حبة عينى عمالة تشغل نفسها
فى تحضير الأكل .. و عمالين نقولها ….
………………………………………………