– أومأ محمد و أسامة فى نفس الوقت
– ثم أكمل أسامة :
بس خلاص اتعودنا و مبقيناش نبحلق
فيهم زيك كده .
– بوسى معلقة على كلام أسامة :
لأ أنا لسه عاوزة وقت .. بعد إذنكوا
” اتجهت لأصلان و زهرة ثانية “
– أسامة :
خدى يا بت .. البت هتروح فيها .
– محمد :
يلا بقى هى و نصيبها .
أثناء ذلك اقتربت نانى من رائد و سمعها بالتبعية منير الذى يجلس قرب خطيبة أخيه
– نانى ل رائد مشيرة على أصلان :
مين دا ؟؟
– رائد باقتضاب :
دا الأصلان ابن عمى .
– نانى مكملة بصدمة :
متقوليش إن دا متجوز دى .
” تشير ب دا على الأصلان و دى على زهرة “
– لم يرد رائد متجهم الوجه ولكن منير أجابها
:
أيوه .. مستغربة ليه ؟
– ردت نانى على منير :
ليه إيه .. أنت مش شايفه عامل إزاى
.. دا أدها تلت مرات و شكله سنه كبير
عليها و هى أد العصفورة جنبه .
– منير الذى ينظر لأخيه متجهم الوجه
بتوتر :
عادى .. أنتى بس اللى مركزة معاهم .
– نانى التى تجاهلت تعليقه و أكملت :
هو عنده كام سنة ؟
– منير :
حوالى ٣٦ أو ٣٧ .
– نانى بصوت أعلى :
شفت .. البنت دى أنا مديهاش أكتر
من ٢٢ سنة .
– منير بتوتر :
طاب وطى صوتك لأحسن حد يسمع .
– بوسى التى ألتقتت آخر الكلام و انضمت لهم
بخفة دفاعا عن أخيها الأصلان .. و وجهت
كلامها ل نانى بشبه قرف :
لأ يا حلوة .. العروسة عندها ١٨ سنة
أدى يعنى رايحة أولى كلية .
– نانى تحت توتر رائد و منير الذين يعلمون
قربها من أصلان :
يالهوى يعنى بينهم أكتر من ١٧ سنة ؟؟
– بوسى بحنق منها :
أيوه يا حبيبتى .. و خدى دى بقى بتحبه
جدا لو غاب عنها شوية متاكلش و لا تنام
إلا لما يرجع و هو كمان بيموت فى التراب
اللى بتمشى عليه
” و قد استمدت بوسى معلوماتها من مكالمتها مع الأصلان و كلامها مع أسامة و
محمد و سوما و أسماء ” .1