قطعت بوسى الكلام المتبادل بصوتها العالى الذى جذب انتباه الكل :
آه .. عشان كده .
فسألها الجد بفضول :
هو إيه ده ؟؟
فردت بوسى بصوتها العالى تحكى للجد :
أصل يا جدو الأصلان اتصل بيا امبارح
.. لأ و إيه آعد نص ساعة معايا على
التليفون كلها زهرة و زهرة
لما زهقنى ” ثم قلدت صوت ابن
خالها “
بوسى متتكلميش كتير مع زهرة ..
بوسى متتعبيش زهرة ..
بوسى خلى بالك من زهرة ..
بوسى متزعليش زهرة ..
لما وجعلى راسى بالست زهرة .. لا بس
بعد مشوفتها ليه حق الصراحة يخاف
عليها .. دا أنا كبنت حبيتها اشحال هو ؟؟
ضحك الجد و الباقين على كلامها من قلبهم ماعدا شخص واحد كانت ضحكته من وراء قلبه لكن لا يريد لأحد أن يرى ألمه الذى تسبب به لنفسه .
الجد الذى ضحك من قلبه على كلام بوسى :
طاب حاسبى بقى .. لحسن الأصلان
بيخاف عليها جدا .
أسامة :
و بيغير عليها موت .
زاهر بفرحة لابن أخيه الذى حقق لنفسه
ما لم يححقه هو :
للدرجادى يا بابا ؟
الجد بغموض موجها رسالة لرائد الذى لم يرفع
عينيه عن زهرة :
فوق ما تتخيل يابنى .
صفصف بلا نفس و حقد زائد :
الله يهنيهم .
الجميع آمن الدعاء ماعدا رائد الذى خانه قلبه و لم يستطع التأمين على كلام أمه .. عادت زهرة بالضيافة جاذبة الإنتباه من الأغلبية فهم لم يعتادوا عليها بعد .. تعاونها فاطمة فى وضع الضيافة على طاولات صغيرة منتشرة فى أنحاء الغرفة من مشروبات ساخنة وباردة و قطع البسكوت و الكيك حتى وصلت فى التقديم إلى الجد ودودى الذى يتابعها بهيام فانتفض قائلا :
بنفسك أمال فين اللى هنا اتقطعت إيديهم .