– أصلان :
سوما أطلعى لزهرة ساعديها .
– سوما التى فهمت على ابن عمها :
حاضر .
ثم انطلق الأصلان لوجهته .
قامت سوما من مكانها تحت نظرات الجميع .. فقالت لها بوسى تستوقفها بخفة دمها
– بوسى :
راحة فين يا سمسم .
– سوما بطيبتها :
طالعة لزهرة أساعدها .
– بوسى بنزق :
تساعديها فى إيه .. هو ده وقت تنضيف
– سوما :
تنضيف إيه يا هبلة .. أنا طالعلها اسرح
لها شعرها و أنشفه .. عشان مبتعرفش
تسرح لنفسها .. انتى شايفة شعرها طويل .
– بوسى بخفة دم :
أنتى بتقولى .. دا شعرها لحد هنا
” مشيرة لما يقرب من ركبتيها “
أنا عارفة إيه ده عمرها ما قصته ..
بس إيه ده هى كل ما تستحمى تناديلك
تسرحلها شعرها.. ” صمتت قليلا ثم قالت
بابتسامة ” .. الله أنا طالعة اتفرج عليكو .
– سوما موضحة لبوسى وكأن لديها كل وقت العالم تحت سمع الجميع :
لأ .. مش كل مرة بساعدها .. دا بس لما
أصلان يكون مشغول و عنده حد زى
دلوقتى .. أما فى العادة هو اللى بيغسل
شعرها وبيسرحه ليها .
– بوسى بضحك :
اقسمى بالله .. طاب بس .. دا الواحد جاله
جفاف عاطفى منهم .. إيه قلة الأدب دى ..
يالا نطلع نساعدها .
– سوما التى أمسكت ذراع بوسى تستوقفها
بتوتر :
لأ لأ .. راحة فين .. أصلان مبيحبش حد
يدخل جناحه .. متعمليش مشاكل معاه
الله يخليكى .