– ورد مقاطعة أم أحمد :
و الله .. و الله يا ست سعاد عمرنا
ما شفنا منها حاجة وحشة .
– قاطعتها فاطمة :
و طيبة وحنينة معانا .
– ورد :
و على طول إيدها معانا فى الشغل ..
و تقولنا أنا أعدة فاضية نساعد بعض عشان
نخلص بسرعة و نستريح كلنا مرة واحدة .
– أم أحمد :
و عمرنا ما سمعنا منها كلمة وحشة .. و لا
طلعت منها العيبة .
” تنقل سعاد رأسها بينهن ببلاهة .. مما جعل السيدة نعمة تنفجر ضحكا على صديقتها ” .
– السيدة نعمة ضاحكة :
مالك يا سوسو .. ساكتة كده ليه ؟
– سعاد :
هاه .. بسمع للجماهير .. إيه الشعر ده ..
للدرجادى يا نعمة ؟؟
– السيدة نعمة :
و أكتر والله يا سعاد .. حبيتها زى ما تكون
بنتى .. و كمان الوحيدة اللى بتحس بيا
من غير ما اتكلم .. على طول ملازمانى
مبتفارقنيش ابدا لحد ما أخدت عليها ..
عملالى حس والله .
– سعاد بصوت منخفض :
طاب و أصلان ؟
– انفجرت النساء بالمطبخ بالضحك على كلام
سعاد التى مازالت تنظر لهن ببلاهة .. ثم أكملت نعمة :
يوه .. بتموت فيه .. و هو كمان بيحبها
أوى .. روحه فيها يا حبة عينى .. و
بيخاف عليها أوى .
– سعاد بعدم فهم :
بيخاف عليها .. إزاى يعنى ؟
– السيدة نعمة :
أصلها صغيرة شوية .. ” ثم أكملت بعد
أن وجدت نظرات نعمة المستفهمة “
.. أد بوسى و سوما .