– نعمة : إيه يا بت انتى وهي ….. مبتفصلوش ….. البت واقفة من ساعة
دخولنا بفستانها. ..
– أسماء : آه صح الفستان حلو أوى ….. دا جاهز
– سوما : لأ … أكيد مفصلاه فى مصر … احنا عارفين أن….
– ب…..ااا…..سسسس …. يلا … يلا …. هش على اوضكوا .
معلش يا رورو انا قولتلك هبل بس طيبين …. اعتبريهم أخواتك لو
احتاجتى اى حاجة اطلبى منهم متتكسفيش… وإن شاء الله هترتاحى
معانا .
ولما استشعرت الحيرة بعينيها …. أجلستها على السرير ، وقالت :
– بصى يا بنتى ، ربنا يعلم أنا حبيتك أد إيه واعتبرتك فى مقام بناتى ،أكيد
سمعتى الكلام اللى قالوه أهلك عن أصلان وكمان موضوع التار
” ولما حاولت زهرة الاعتراض ” قاطعتها قائلة :
كل إللى بطلبه منك أنك تستحملى أصلان شوية ، لأنه أكتر واحد أتأذى
منه
( وقضت عليها حادثة ابنتها .. وإصابة أصلان …. وانعزاله… وتغير
طباعه بعدها )
– وبعد أن انتهت من حديثها ولم يتبقى سوى دموعها على ابنتها بثينة ،
ابتسمت على تلك التى لا تقل تأثرا ، وقد امتدت يدها لمسح دموع نعمة
من على وجنتها فى سابقة لم يفعلها أحد من قبل ، حتى أبناءها ، مما
زاد من محبتها لتلك الفتاة ، والتى قالت لها متأثرة بقصتها وخاصة على
عذاب وحشها :
متزعليش يا ماما ربنا يرحمها ، ويجعل مثواها الجنة إن شاء الله .