– نعمة وهى تحتضن زهرة بعد أن أبعدت عنها سوما وأسماء ، و قد
حركتها مشاعر أمومة لتلك القطة الصغيرة محمرة الوجنتين :
الله أكبر فى عينك أنتى وهي …. آه فى كده …. قدامكوا اهيه….
…. دا أنتوا بالنسبه لها غفر …. اياكوا تعملوا كده تانى … بالراحة عليها
– ثم وجهت حديثها لزهرة:
معلش يا بنتى … بناتى هبل شوية بس طيبين أوى وهتحبيهم ،ثم
ابتسمت لها بحب أمومى : أنا خالتك نعمة أم أصلان، و دول أسماء أخته
أصلان ومتجوزة محمد ابن أختى ….. آه صح …. انتى متعرفيش محمد
…. واحد من اللى تحت … ودى سوما بنت أخو جوزى الله يرحمهم
وفى مقام بنتى وخطيبة أسامة ابنى الصغير …. يوه…. دا أنا اللى
برغى .
– ابتسمت لهم زهرة بصدق فقد استشعرت تلقائيتهم وطيبة قلبهم ، وحيتهم
برقة تليق بها ،وقالت سوما وأسماء :
– معلش يا قمر … مكنش قصدنا نضايقك… بس أصلك حلوة أوى الصراحة
… أنا سوما على فكرة هتكونى معايا فى الدراسة … أنا زيك راحة أولى
طب …. أكيد هنكون صحاب ومعانا البت بوسى بنت عمتى معانا برده
بس لسه هتيجى من الكويت بعد شهريين قرب الدراسة يعنى .
– وأنا أسماء أخت أصلان ، أكبر من اسراء ،ومتجوزة محمد ابن خالتى وعندنا
بودة ابنى الصغير ،احنا عايشين فى الجناح اللى جنبك على طول ، إحنا
حبيناكى أوى من كلام إسراء عنك وحبينا نتعرف عليكى ، دى قالت لينا
أنك طيبة و…….