رواية زمردة الزين الفصل الرابع عشر 14 بقلم فاطمة سعيد – للقراءة المباشرة والتحميل pdf
ادم بتعب شديد : انا فين
الدكتور : انت اتكتبلك عمر جديد الف سلامة عليك
ادم : الله يسلمك
وخرج الدكتور وفضل ادم ورهف
ادم : هو اي اللى حصل
رهف : انت اخر حاجة فاكرها اي
ادم : انى وقعت من الدور التالت
رهف : بتفتكر حاجات غريبة انت بص يا سيدى انت بقالك شهر فى غيبوبة من يوم ما وقعت
ادم بصدمة : يا دين النبى شهر وانا اقول فايق مش عايز انام لي
رهف ضحكت ثم اردفت بجدية : طب انت حاسس بايه دلوقتى
ادم : حاسس انى جعان جوى يا چدى
رهف بضحك : هروح اسال الدكتور المفروض تاكل اي
ادم : لا دكتور اي هاتيلى شاورما
رهف بصدمة : انت متاكد انك كنت فى غيبوبة
ادم : الله مش انتى اللى قولتيلى
وزين دخل فرح جدا لما لقى ادم فاق
زين بابتسامة : حمد لله على السلامه يا بطل
ادم بصدمة مصتنعة : يا لهوى زين بيضحك هو انا بقالى اد اي نايم يا ولاد
زين ورهف ضحكوا
زين : اخلص يلا بلاش دلع سيبت الشغل كله عليا شهر
ادم بتذمر : لا ده ظلم بقى واحد واخد رصاصة وواقع من الدور التالت وغيبوبة وحوارات اول ما يفوق حتى لسة مقامش دخل الحمام يقولوله شغل يا اخى حسبى الله والله
زين ورهف ضحكوا
زين : ادم انا قايل لأهلك انك جالك سفرية مفاجأة تبع الشغل
ادم : شكرا يا صاحبى
زين : اي ياض الاحترام ده