رواية زمردة الزين الفصل الخامس 5 بقلم فاطمة سعيد – للقراءة المباشرة والتحميل pdf
زمردة : عبدو موتة ده بيطلع للى يستاهل والله يا استاذ سلعاوى
زين بصدمة : سلعاوى !!؟ 
واكمل ببراءة : على فكرة انتى اللى نيتك فى زمة الله انا
مكانش قصدى كده خالص بس انتى مدتنيش فرصة اكمل
زمردة : امال قصدك اي يا استاذ يا محترم
زين : كنت هقولك تعالى شوفى دقنى بتطلع والا لسة عشان مش شايفها فى المراية بس انتى اللى دماغك بتحدف شمال
زمردة باحراج : احم انت بتتكلم جد
واكملت بتفكير : وبعدين ازاى مش شايف وشك فى المراية انت بتكلم واحدة هبلة
زين بصوت واطى : هبلة أه
زين : ولا حاجة يلا روحى اعملى الاكل عشان جعاان خلينا ناكل
زمردة مشيت ونسيت الحلق
عملت الاكل وكلوا وقعدوا يتفرجوا على التلفزيون وبعد وقت طويل
زمردة : انا عايزة انزل الجامعة
زين : وانا عايز انزل الشغل بس بابا قالى لازم نفضل اسبوعين
بعد شوية
زمردة : طب انا هنام فين
زين : زى امبارح اكيد
زمردة : لا طبعا انت استحليتها والا اي
زين : خلاص متناميش
زمردة : هو مش انت عامل فيها شجيع السيما يا سقا ما تخش تموت الفار
زين باستهبال : هو مش انتى قولتى بياكل الصوابع هل انا مستغنى عن صوابعى يعنى
زمردة : لا متخافش بياكل صوابع بنى ادمين بس
زين قرب منها وهى قاعدة على الكنبة وهى رجعت لورا وبصتله بصدمة